ग्रामपंचायत सामनगाव ग्रामपंचायत, जि. नाशिक ठिकाणापासून 14 की.मी. अंतरावर असून गावाची लोकसंख्या ५१५६ असून गावाचे हद्दीत ९३५ कुटुंब आहेत. सामनगाव गावाला झाडांचे गांव म्हणून उभ्या महाराष्ट्रात ओळखल जाते. प्रगतीच्या अनेक पाऊल खूणा सोडत गगनाला गवसणी घालणारी प्रगती ह्या गावाने केली आहे. अनेक पर्यावरण पूरक व नाविन्यपूर्णक उपक्रम सामनगाव गावात केलेले आहेत. खडकाळ व काटेरी गावाची ओळख पुसून हरित व समृद्ध गाव म्हणून आज नावारूपास आलेले आहे. आज रोजी हे गाव पर्यावरण पर्यटन केंद्र बनू पाहत आहे व अनेक प्रकारचे शासकीय अभ्यास दौरे व सहली येथे नियमित सुरु आहे. ग्रामपंचायत सामनगाव सर्व सुविधांनी परिपूर्ण असे अद्यावत ग्रामपंचायत कार्यालय कार्यान्वित असून संपूर्ण कामकाज संगणकीय पद्धतीचे चालते. संपूर्ण कार्यालय व गावात सी.सी.टी.व्ही प्रणाली बसविण्यात आले आहे.संपूर्ण इमारत व सर्व सार्वजनिक इमारतींवर सोलर सिस्टम व रेन वॉटर सिस्टम कार्यरत आहे. सर्व प्रकारच्या योजना, अर्ज, दाखले व बँकिंग सुविधा कार्यालयात एकात छताखाली आपले सरकार सेवा केंद्रात उपलब्ध आहेत.अनेक अभिनव उपक्रम ग्रामपंचायतीने राबविले आहेत व नियमित सेवा कार्यरत आहे